نہ فلک چاند تارے نہ سحر نہ رات ہوتی

نہ تیرا جمال ہوتا نہ یہ کائنات ہوتی

ابلیس تھا فرشتہ آدم کو سجدہ سمجھا

وہ حکم خدا سمجھتا تو کچھ اور بات ہوتی

یہ کھلے کھلے سے گیسو انہیں لاکھ تم سوارو

میرے ہاتھوں سے سنورتے تو کچھ اور بات ہوتی

سوئے مے کدہ نہ جاتے تو کچھ اور بات ہوتی

وہ نگاہ سے پلاتے تو کچھ اور بات ہوتی

گو ہوائے گلستاں نے مرے دل کی لاج رکھ لی

وہ نقاب خود اٹھاتے تو کچھ اور بات ہوتی

یہ بجا کلی نے کھل کر کیا گلستاں معطر

اگر آپ مسکراتے تو کچھ اور بات ہوتی

گو حرم کے راستے سے وہ پہنچ گئے خدا تک

تری رہ گزر سے جاتے تو کچھ اور بات ہوتی

Read More

 

شبِ وصال کی ضد ہے کہ جا نہیں آتی

یہ خوش خرام , بہ فرشِ عزا نہیں آتی

تمھارا چین بھی غارت ہے آسماں ہو کر

ہمیں بھی راس زمیں کی فضا نہیں آتی

نکل کے دل سے جو فوراً قبول ہو جائے

مجھے تو کوئی بھی ایسی دعا نہیں آتی

دیے خلا میں جلانے کا فائدہ یہ ہے

دیے بجھانے یہاں پر ہوا نہیں آتی

کسی کی آہ و بکا پر خدا نہیں آتا

کسی کی چیخ پہ خلق خدا نہیں آتی

خالد ندیم شانی

Read More

 

یوں میری آنکھ سےبے ساختہ آنسو نکلے

جس طرح پھول کا دل چیر کے خوشبو نکلے

اب بہار آئے تو اس طرح آئے یا رب

پھول تو پھول ہیں کانٹوں سے بھی خوشبو نکلے

کم از کم اتنا تو تعلق رہے موت کے بعد

کفن سر کائیں اگر، تو میری جگہ تو نکلے

Read More

 

سوزِ غم دے کے مجھے اس نے یہ ارشاد کیا

جا تجھے کشمکشِ دہر سے آزاد کیا

وہ تجھے یاد کرے جس نے بھلایا ہو کبھی

میں نے تجھ کو نہ بھلایا نا کبھی یاد کیا

پر میرے کاٹ کے صیاد نے اعلان کیا

اب قفس کھول دیا جا تجھے آزاد کیا

سو کے اٹھے ہو مگر چہرے پہ بکھری زلفیں

کس پریشان طبیعت نے تجھے یاد کیا

اس کا رونا نہیں کیوں تم نےکیا دل برباد

اس کا غم ہے کہ بہت دیر سے برباد کیا

اے میں سو جان سے اس طرزِ تکلم پہ نثار

پھر تو فرمائیے کیا آپ نے ارشاد کیا

دل کی چوٹوں نے کبھی چین سے سونے نہ دیا

جب چلی سرد ہوا میں نے تجھے یاد کیا

مجھ کو تو ہوش نہیں تم کو خبر ہو شاید

لوگ کہتے ہیں کہ تم نے مجھے برباد کیا

جوش ملیح آبادی

Read More

 

آتش ِ غم کو مسیحائی ہوا دیتی ہے

وہ دوا ہی نہیں ہوتی جو شفا دیتی ہے

اُس کے ترشے ہوئے ہونٹوں پہ وہ ترشے ہوئے لفظ

 بات کرتی ہے تو تصویر بنادیتی ہے

آپ کا کام نہیں آپ ستارے ٹانکیں

عشق کی بات ہے مردوں کو مزا دیتی ہے

سبزہ زاروں میں سِرکتے ہوئے پانی کی قسم

چاندنی رات بھی پھولوں کو غذا دیتی ہے

آپ کا پیار مجھے پھر سے رُلا دیتا ہے

آپ کی بات مرا درد بڑھا دیتی ہے

مجھ سے تو شعر بھی سنتی نہیں نغمہ تو کجا

دہر کا درد مجھے آکے سنا دیتی ہے

روز کہتی ہے مرو! جان سے جاؤ لیکن

اِک ذرا کھانسنے پہ بڑھ کے دوا دیتی ہے

اُس کی مسکان مری جان کی قیمت سے سوا

مُسکراتی ہے کہ مشروب پلا دیتی ہے

ادریس آزاد

Read More

 

تمھارے غم کا سہارا بھی کام آتا ہے

کبھی کبھی یہ کنارہ بھی کام آتا ہے

جسے حقیر سمجھتے ہیں عیش کوشی میں

پھر ایک دن وہ گزارہ بھی کام آتا ہے

تو کچھ نہ بول نہ لب کھول صرف آنکھ اٹھا

گداگروں کو اشارہ بھی کام آتا ہے

ہمیں غرض ہی نہیں پیار کے محاصل سے

ہم ایسوں کو تو خسارہ بھی کام آتا ہے

تمھارا ساتھ نہیں ہے تو کوئی رنج نہیں

مسافروں کو ستارہ بھی کام آتا ہے

مرا نصیب کہ میٹھا کنواں ملا مجھ کو

کڑے دنوں میں تو کھارا بھی کام آتا ہے

وہ جھیل جس پہ گزاری تھی ایک شام کبھی

ہمیں اب اس کا نظارہ بھی کام آتا ہے

فیض محمد شیخ

Read More

 

وہ باتیں تری وہ فسانے ترے

شگفتہ شگفتہ بہانے ترے

فقیروں کی جھولی نہ ہوگی تہی

ہیں بھر پور جب تک خزانے ترے

بس اک داغِ سجدہ مری کائنات

جبینیں تری ، آستانے ترے

ضمیرِ صدف میں کرن کا مقام

انوکھے انوکھے ٹھکانے ترے

عدم بھی ہے تیرا حکایت کدہ

کہاں تک گئے ہیں فسانے ترے

عبدالحمید عدم

Read More